NADİR RÜSTƏMLİ AVROVİZİYA TƏMSİLÇİMİZ OLDU!

Və gözlənilən xəbər gəldi! Ölkəmizi Avroviziya 2022 mahnı müsabiqəsində Nadir Rüstəmli təmsil edəcək.

İctimai Televiziyada efirə gedən “Sabahın xeyir, Azərbaycan” proqramında ifaçı və müsabiqənin ölkəmizdəki nümayəndə heyətinin rəhbəri İsa Məlikov qonaq qismində iştirak etmişdir.

İştirak zamanı ölkəmizin bu il Avroviziyada təmsil edəcək şəxsin Nadir Rüstəmli olması haqqında məlumat ictimaiyyətə təqdim olunmuşdur.

Qeyd edək ki, mahnı seçiminin haqqında İsa Məlikov 300 mahnı göndərildiyini qeyd edərək, onlar arasından ən yaxşı 6 mahnının seçiləcəyini və Nadir Rüstəmlinin ifasında seçim ediləcəyini söyləyib. Həmçinin, mahnının mart ayının 2-ci həftəsi təqdim olunacağı da məlum olub.