Azərbaycanın ən populyar Avroviziya Blogu olaraq sizlər üçün çalışan komanda üzvlərimiz ilə buradan tanış ola bilərsiniz!
Elvin Cabbarov
Təsisçi, Koordinator
Mən Elvin, uşaqlıqdan bəri müsabiqəni ailəmlə izləyərək hərzaman ona qarşı böyük sevgi bəsləmişəm. Bugün bu bloqun təsisçisi olmaq və ətrafımda başda Avroviziya simaları, gözəl komandamız və sözsüz ki minlərlə siz – izləyicimizin olması ilə qürur duyuram. Müsabiqə mənim üçün hərşeydir və dəstəyiniz olduğu müddətdə bu yola davam edəcəm.
Sabina Abraham
PR və Kommunikasiya & Layihə meneceri
Mən Səbinə, Avroviziya ilə tanışlığım çox sadə və lakonik şəkildə olub. Ən az mənim qədər Eurovision pərəstişkarı olan anam sayəsində müsabiqəyə olan sevgim uşaqlıqdan hökm sürür. Başlarda məlumat toplamaq məqsədli izlədiyim bloqda, hazırda məlumatları dəqiq və vaxtında ötürmək üçün əlimdən gələni edirəm.
Hüseyn Məmmədli
Redaktor
Mən Hüseyn, Avroviziyanı qazandığımız ildən bəri sevərək izləyirəm. Məncə dünyada ikinci belə bir hadisə yoxdur ki, bütün insanlar və mədəniyyətlər bir məqsəd altında birləşsin. Musiqi, əyləncə və duyğu…
Mən çox xoşbəxtəm ki, belə bir müsabiqənin fanıyam. Xoşbəxtəm ki, bu komandanın bir üzvüyəm. İşimi bütün Avroviziya sevərlər üçün ən yaxşı şəkildə edirəm və etməyə də davam edəcəm.
Ali Hamza
Redaktor
Mən Ali, Avrovizya Mahnı Müsabiqəsini 2011-ci ildən bəri izləyirəm və hər il Avroviziya Mahnı Müsabiqəsinə olan marağım daha da artır. Musiqi mənə bu həyatda ən çox sitimul verən amillərdən biridir. Avroviziyada ən sevdiyim meyarlardan biri də müsabiqənin digərlərinə nisbətən daha əyləncəli, maraqlı, qısaca fərqli olmasıdır. Məhz bu səbəbdən Avroviziya mənim üçün ən önəmli mahnı müsabiqəsidir. Müsabiqə ilə bağlı xəbərləri aldığım blogun üzvü olduğum üçün çox şadam.
Kamran Nəzərov
Mətbuat meneceri
Mən Kamran, Avroviziya mahnı müsabiqəsini 2005-ci ildən böyük maraqla izləyirəm. Avroviziya mənim üçün sadəcə bir müsabiqə deyil, dostluq, sevgi və hər kəsi birləşdirən böyük bir səhnədir. Hamı növbəti müsabiqənin baş tutması üçün may ayının gəlməsini gözləyərkən, mənim üçün Avrovizya heç vaxt bitmir.
Kamran Tağızadə
Redaktor – Tərcüməçi – HR Menecer
Mən Kamran, uşaqlıqdan, daha dəqiq desək 10 yaşımdan Avroviziya mahnı yarışmasını izləyirəm. 2012-ci ildə ev sahibliyi etdiyimiz vaxtdan sonra artıq mütəmadi olaraq seçim turlarını və yarım finalları da izləməyə başladım. Avrovizya mənim üçün sadəcə 2 yarımfinal və bir böyük finaldan ibarət yarışma deyil – sentyabr ayından başlayan həyəcan, macəra və xoşbəxtlik deməkdir.
Əfşan Məmmədova
Redaktor
Mən Əfşan, Avroviziyaya 2011-ci ildə yalnız qalib olduğumuz anlara baxandan dərhal sonra başladım və artıq 10 ildir ki, bu nəhəng və möhtəşəm müsabiqənin asılısıyam.
Avroviziya fərqli millətlərdən, irqlərdən, hətta qitələrdən olanları belə birləşdirə biləcək qədər əsrarəngizdir. Musiqi, əyləncə, sevgi, sülh-Məncə, bu 4 söz müsabiqəni tamamlayır. Elə məhz bu 4 söz sayəsində də hər il izləyəciləri dayanmadan artır. Bu möhtəşəm birlik yarışmasının xəbər carçısı olmaqdan çox məmnunam.
Müşfiq Rzazadə
Redaktor – Tərcüməçi
Mən, Müşfiq Rzazadə. Uşaqlıqdan Avropa pop-musiqisini sevmişəm, ona görə də Avroviziya müsabiqəsinə lk izləmədə (2006-cı ildə) aşiq oldum. Mənə görə, Avroviziya bütün insani hissələrin birləşmiş halıdır. Avrovizyasız Müşfiq, Eyfelsiz Fransa, dramasız İspaniya və rəqssiz hind filmi kimidir.
12xal.com 