12xal komandasının təşəbbüsü ilə “Avroviziya” mahnı müsabiqəsində bu il bizi təmsil edəcək olan Samira Efendiyə Twitter üzərindən dəstək aksiyası keçirilib.
Gün keçdikcə may ayında baş tutacaq “Avroviziya 2021” mahnı müsabiqəsi yaxınlaşmağa davam edir. Müsabiqə yaxınlaşdıqca həyəcan və gərginlik də durmadan artır. Təbii ki, ən böyük gərginlik ölkələrin təmsilçilərinin üzərindədir. Bu məqsədlə də, Azərbaycanı müsabiqədə təmsil edəcək olan Efendiyə dəstək olmaq üçün sosial media üzərindən aksiya başlatdıq.
Başlıca məqsəd #SupportEfendi #MataHari #Eurovusion kimi hashtaglərdən istifadə edərək təmsilçimizi və mahnısını trendlərə salmaq idi. 12xal komandası və izləyiciləri başda olmaqla bir çox kənardan da aldığımız dəstək ilə bunu bacara bildik. #MataHari, #SupportEfendi və digər 2 hashtag hal-hazırda Azərbaycan trendlərində ən üstədirlər. Bu nailiiyətdə əməyi olan hər kəsə dərin təşəkkürlərimizi çatdırırıq və Efendiyə Rotterdamda keçirələcək müsabiqədə uğurlar arzu edirik.