Bu həftə Andorra dövlət kanalı RTVA-nın Məzmun Meneceri Dani Ortola Eurofestivales-ə Andorranın gələn il İsveçdə baş tutacaq müsabiqəyə qatılmayacağını açıqlamışdı.
Lakin yayımçı kanal RTVA hələki ESCToday-ə müsabiqəyə qatılıb-qatılmayacağı barədə rəsmi məlumat verməyib.
RTVA ESCToday-ə bildirib ki, onlar hələ ki, müsabiqəyə qayıtmaq üçün qiymətləndirmə aparırlar və araşdırmalar edirlər. Andorranın “Avroviziya 2024″ə qatılıb-qatılmayacağına son anda qərar verəcəklər.
Andorra yayımçı kanalı son dəfə 2009-cu ildə müsabiqədə iştirak edib.
Xatırladaq ki, ölkənin “Avroviziya 2009” təmsilçisi Susanne Georgi ötən ayların birində verdiyi müsahibəsində ölkənin “Avroviziya 2022″yə qatılması üçün şifahi razılığın alındığını, lakin bunun baş vermədiyini açıqlamışdı.
