Dünən axşam Yerevanda baş tutan sayca 20-ci Uşaq Avroviziya mahnı müsabiqəsinin Avropa ölkələri üzrə izlənmə sayları bəlli olub:
• Polşa kanalı TVP, müsabiqəni ümumillikdə 2.1 milyon şəxsin izlədiyini açıqlayıb. Bu kanalın ümumi izləyicilərinin 15.1%-ni təşkil edir.
Bu Polşa kanalın son illərdəki ən aşağı göstəricisidir. Qeyd edək ki, 2021 Uşaq Avroviziyanı Polşada 4.9 milyon şəxs izləmişdi.
• İrlandiyada müsabiqəni 15.300-dən çox insan izləyib. Bu keçən illə müqayisədə təxminən 7000 nəfərin azalması ilə nəticələnib.
• Portuqaliya kanalı RTP, 2019-cu ildən bəri ən yüksək izlənmə sayını dünən axşam əldə edib. Müsabiqəni ümumillikdə 319.400 nəfər insan izləyib. Bu rəqəm 2019-dan sonra təxminən 31.000 nəfərin artımı ilə nəticələnib.
• Böyük Britaniya yayımçı kanalı BBC, dünən 700.000-dən çox nəfərin müsabiqəni izlədiyini açıqlayıb. Lakin müsabiqə dünən kanalın yayımladığı və ən çox izlənən 20 proqramı arasına təəssüf ki, daxil ola bilməyib.
• Müsabiqədə iştirak etməyən, lakin yayımlayan Almaniya kanalı Kika TV, müsabiqəni dünən axşam 175.000-dən az şəxsin izlədiyini açıqlayıb. Bu keçən il ilə müqayisədə 60.000 nəfərin azalması deməkdir.
• İtaliya yayımçı kanalı RAI 1, ilk dəfə müsabiqəni yayımladığı üçün izlənmə rekordu qırılıb. Belə ki, dünən axşam İtaliyada müsabiqəni 1.5 milyondan artıq şəxs izləyib.
• Niderland kanalı NPO3, dünən müsabiqəni 279.000 şəxsin izlədiyini açıqlayıb. Bu keçən il ilə müqayisədə 40% artım olduğunu göstərir.
• İspaniya yayımçı kanalı RTVE, 2019-dan sonra ən yüksək izlənməsini dünən axşam əldə edib. Kanaldan verilən məlumata görə, müsabiqəni dünən axşam ümumillikdə 1.183 milyon şəxs izləyib. Bu isə 272.000 şəxsin artımı deməkdir.
• Ən son olaraq isə Fransa kanalı France 2-də dünən axşam müsabiqəni 1.8 milyondan çox şəxs izləyib. Bu isə 2019-cu il ilə müqayisədə nisbətən aşağı göstərici olub.
Qeyd edək ki, müsabiqəni 203 xal toplayaraq, Fransa təmsilçisi Lissandro qazanıb.
