AVROVİZİYA ULDUZLARIMIZ VƏ SPOTIFY STATİSTİKALARI – ƏN ÇOX DİNLƏNİLƏNLƏR

2008-ci ildən Avroviziyaya qatılan Azərbaycan, 15 dəfə müsabiqədə ardıcıl olaraq iştirak etmişdir. Duetlər (2008, 2009, 2011) və təkrar qatılan iştirakçılar (Elnur Hüseynov, Efendi) daxil olmaqla bugünədək 16 ifaçı Azərbaycan adına müsabiqədə mübarizə aparmışdır.

Bugünkü araşdırmamızda 16 artistin Spotify musiqi platformasında aylıq dinlənmə sayına nəzər yetirəcəyik. Onu da nəzərə salaq ki, sözügedən musiqi platforması 2006-cı ildən fəaliyyətə başlasa da ölkəmizdə 2021-ci ildən etibarən istifadəyə verilmişdir.

Bəs bugünədək Avroviziya müddəti və sonrasında öz dinləyicisini qoruya bilənlər kimlərdir? Ən çox dinlənən Avroviziya təmsilçimiz hansıdır? Statistikanı sizə təqdim edirik:

2008-ci ildə “Day After Day” mahnısı ilə debüt edən Azərbaycan, Elnur və Samir dueti ilə fərqli obraz yaratmaqla yaddaşlarda qalmağı bacarmışdı. Günümüzdə isə adları çəkilən artistlərin Spotify statistikaları bu şəkildədir:

---

2009-cu ildə müsabiqəyə qatılan Azərbaycan təkrar duet şəklində mübarizəyə qoşulur. Bu dəfə Aysel Teymurzadə və Arash ölkəni təmsil edir. Günümüzə qədər Azərbaycandan olub da ən çox dinlənən Avroviziya mahnısı olan “Always” ifaçılarının hazırda Spotify statistikaları nə yerdədir?

Avroviziyadan sonra öz kariyerasını davam etdirməyən Ayselin Spotify hesabı da görünən odur ki, oğurlanıb. Hətta “Always” mahnısı da onun profilindən silinib.

---

İl 2010 və ölkəni Avroviziyada 17 yaşlı Safura təmsil edir. Böyük sevgi toplayan və finalda 5-ci olan “Drip Drop” mahnısından sonra bir müddət musiqiyə ara verən ifaçı 2020-ci ildə “High on Your Love” mahnısı ilə təkrar mütəmadi mahnılar yayımlamış, 2021-ci ildə isə “Möcüzə” adlı albomu işıq üzü görmüşdür.

Növbədə müsabiqədə ölkəmizə qələbə qazandıran Eldar və Nigar cütlüyüdür. 2012-ci ildən bəridir çoxlu sayda mahnılar reliz edən Eldarın hazırda ən populyar mahnısı 91.000-dən çox dinlənmə ilə “Until The End”dir.

Nigar Camal platformada 2 profilə sahibdir. İlk profili Avroviziya dönəmi yaradılıb və burada “Play With Me” albomu yer alır. Digər profildə isə ilk reliz 2015-ci il olmuş, elə həmin albomda (“Herhalde”) yer alan “Talebe” mahnısı isə ən çox dinlənən (76.054) mahnılarından biri olmaqla, hazırki aktual mahnılar arasında da 2-ci yerdə qərarlaşmışdır.

Bakımızda baş tutan müsabiqədə özünəxas çıxışı ilə yadda qalan Səbinə Babayevanın hazırda da ən aktual mahnısı məhz “When The Music Dies” parçasıdır. 800.000 dinlənmə sayı.

Uzun müddətdir musiqi kariyerasını donduran Fərid Məmmədovun Spotify hesabı da elə 2013-də qalıb. “Hold Me” mahnısının uğuru isə bugünədək davam edir desək, yanılmarıq. 1.404.765 dəfə dinlənilmiş mahnı Fəridin hazırda ən aktual mahnısıdır.

Avroviziya sonrası kariyerasına davam edərək mütəmadi olaraq musiqilər yayımlayan Dilarə Kazımovanın da ən aktual 5 mahnısından 2-si Avroviziya mahnısıdır. “Start A Fire” və mahnının azərbaycanca versiyası.

Ən çalışqan Avroviziya təmsilçilərimizdən biri olan və son illərdə fərqli üslubu ilə seçilən Samra 2015-ci ildən 2022-ci ilədək hər il üçün azı 1 mahnı ilə dinləyicilərini sevindirib.

Spotify üçün 2 fərqli profili olan Dihaj, təxmin edirik ki, Avroviziya sonrası yeni hesab açmalı olub. 2017-ci ildə Avroviziya üçün yaradılan artist hesabının şifrəsi ümid edirik tapılacaq. Əks halda ifaçı digər hesab üzərindən mahnıları yayımlamağa davam edəcək kimi görünür.

Baxmayaraq ki, Avroviziyada finala vəsiqə qazana bilməyən yeganə təmsilçimiz Aiseldir, ən çox sinql və albom yayımlayan təmsilçimiz də odur. Bir müddət öncə səhnə adını AYS kimi təqdim edən ifaçı Avroviziya sonrası 20-dən çox sinql və 3 albom (1-studiya, 2-canlı ifalar) təqdim edib.

“Yeni Ulduz”dan tanımağa başladığımız, gitarada ifaları ilə könülləri fəth edən və Avroviziyaya qədər gedən Çingiz Mustafayevin “Truth” mahnısı təəssüf ki, Spotify-dan silinib. Uzun müddətdir heç bir sinql buraxmayan ifaçı son dönəmlər öz musiqi üslubunda da dəyişiklik edib. Buna baxmayaraq isə, mahnıları dinlənməyə davam edir.

2 ildir ardıcıl təmsilçi olmağı bacaran və yetərincə dinləyici toplayan Efendi Avroviziya sonrası 3 mahnı təqdim edib ki, hazırda yayımlamış olduğu mahnılar arasında ən aktual 5 mahnıdan 1-i məhz son təqdim edilmiş “Efendi” mahnısıdr.

Avroviziyada son dəfə ölkəmizi təmsil edən Nadir Rüstəmli müsabiqə sonrası “Lənətli Şəhər” adlı sinqlı Spotify-da yayımlayıb. 12.000-dən çox kliklənən ifa hazırda artistin aktual olan 2 mahnısından biridir. İlk sırada isə təbiiki, Avroviziya mahnısı 4 milyondan çox dinlənmə ilə “Fade To Black”dir.

Aylıq dinləyici sayına görə TOP 16 bu şəkildə olacaq:

1. Arash – 1.614.191
2. Efendi – 188.654
3. Nadir Rüstəmli – 125.475
4. Nigar Camal – 35.979
5. Aysel – 26.781
6. Safura – 16.952
7. Dihaj – 14.367
8. Çingiz Mustafayev – 11.015
9. Aisel (AYS) – 10.373
10. Samra – 9363
11. Elnur Hüseynov – 7660
12. Fərid Məmmədov – 5640
13. Səbinə Babayeva – 4700
14. Dilarə Kazımova – 2030
15. Eldar Qasımov – 1426
16. Samir Cavadzadə – 149

Bəs sən ən çox hansı Avroviziya təmsilçimizi Spotify-da dinləyirsən? Instagram səhifəmizdə baş tutan sorğuda sən də iştirak et!

View this post on Instagram

A post shared by Eurovision Azerbaijan 🇦🇿 (@12xal)