Ukrayna Avroviziyada qələbə qazansa da müharibə səbəbilə ev sahibliyini Birləşmiş Krallıq üstələndi. Bununla da sayca 67-ci dəfə baş tutan Avroviziya mahnı müsabiqəsinə Liverpul şəhəri ev sahibliyi etdi. Bu 1980-ci ildən sonra ilk dəfə idi ki, müsabiqə qazanan ölkədə baş tutmurdu.
“Liverpool Arena”da baş tutan müsabiqənin ilk yarımfinalı 9 may, ikinci yarımfinalı 11 may, böyük finalı isə 13 may tarixlərində canlı olaraq efirə getdi. Hər üç şounun aparıcıları İngiltərəli ifaçı Alesha Dixon, İngiltərəli aktrisa Hannah Waddingham, Ukraynalı ifaçı Yuliya Sanina olub ki, onlara böyük finalda İrlandiyalı televiziya aparıcısı Graham Norton qoşulmuşdur.
Müsabiqənin şüarı “United by music” olaraq təqdim edilib və loqotipdə yer alan rənglər xüsusən seçilmişdir. Hansı ki, mavi, sarı və tünd göy hər iki ölkənin bayraqlarında yer alan rəngləri, çəhrayı isə ötən ilin qalibi Kalush Orchestranın papağını təmsil edir.
Ümumilikdə 37 ölkə müsabiqədə iştirak etmişdir. Maddi problemlərdən dolayı olaraq Bolqarıstan, Şimali Makedoniya və Monteneqro müsabiqədə iştirak etməyəcəyini bildirmişdir.
Böyük finalda iştirak edən 26 ölkə arasında qələbə İsveçə gedib. Ölkəni “Tattoo” adlı mahnı ilə təmsil edən Loreen 583 xal toplayaraq ikinci dəfə müsabiqədə qalib olur. İsveç müsabiqənin 7-ci dəfə qalibi olmağı bacarır və müsabiqə tarixində ən çox qələbə qazanan 2 ölkədən biri olur. (Digəri İrlandiya)
Bu ili ötən illərdən fərqləndirən ən əsas məqamlardan biri isə səsvermədə edilmiş dəyişiklik idi. Belə ki, daha öncəki illərdə yarımfinallar və finalda münsiflər və izləyici səsverməsinin birgə xallarına (50/50) əsaslanaraq nəticə əldə edildiyi halda, bu ildən etibarən münsiflərin yarımfinallardaki səsvermə hüquqları əllərindən alındı. Bu isə o demək olur ki, yarımfinallardan finala vəsiqə qazanmış 10 ölkə xalq səsverməsi (100%) əsasında təyin edilmişdir.
Yarımfinallardan böyük finala vəsiqə qazanan 20 ölkə və böyük 5-lik ilə qalib ölkənin birbaşa finalçısı olaraq yarışmış olduğu final günündə isə xalq səsverməsi ilə yanaşı iştirak edən 37 ölkənin hər birindən olan peşəkar münsiflər heyəti də səs vermək hüququna malik olur. Yəni final günündə səsvermə nisbəti təkrar 50-50 olmuş olur.
Bununla yanaşı xalq səsverməsinə daha bir yenilik gəlmişdir. Belə ki, bundan sonra müsabiqədə iştirak etməyən ölkələrin də səs vermə hüququ olacaq. “Dünyanın geri qalanı” adı altında birləşərək 1-12 aralığında xal hesablanaraq yarımfinal və final günündə iştirakçı ölkələrin hesabına əlavə edilir. Yarımfinal günü digər yarımfinalda iştirak edən ölkələrin xaricində dünya ölkələrindən hər hansısa birində yaşayan izləyici favoriti hesab etdiyi yarımfinal iştirakçısı ölkələrə səs verə biləcək. Final günündə isə harada yaşamağından asılı olmayaraq istədiyi finalist ölkəyə onlayn şəkildə səsvermə hüququna malik olur.
Qeyd edək ki, ölkəmizi müsabiqədə TuralTuranX “Tell Me More” adlı mahnı ilə təmsil etmiş və yarımfinalda 14-cü olmuşdur.
Maraqlı faktlar:
Müsabiqə tarixində ilk dəfə qadın ifaçı ikinci dəfə qələbə qazandı.
Qalib ölkə İsveç finalda 15 ölkənin münsifindən ən yüksək xal hesab edilən 12 xalı alsa da izləyici səsverməsində heç bir ölkədən 12 xal ala bilməyib. Yalnız 8 ölkədən olan tamaşaçı ona ən yüksək ikinci xal olan 10 xalı verib. Əvəzində isə nə az nə çox 18 ölkədən olan tamaşaçı ən yüksək xalını müsabiqəni 2-ci yerdə başa vuran Finlandiyaya verib.
Azərbaycan müsabiqə tarixindəki ən zəif nəticəsini əldə edib. Yarımfinalda iştirak edən 15 ölkə arasında 14-cü olan Azərbaycan ümumilikdə 4 xal toplayaraq müsabiqəni 34-cü yerdə başa vurub.
Azərbaycan müsabiqə tarixində ilk dəfə söz yazarı və musiqisi ifaçının özünə məxsus olan bəstə ilə iştirak edib.
Daha öncə ölkəsini müsabiqədə təmsil etmiş Marco Mengoni (İtaliya 2013) , Monika Linkytė (Litva 2015), Pasha Parfeni (Moldova 2012) və Loreen (İsveç 2012) müsabiqəyə təkrar qatılıb. Həmçinin, 2018 və 2021-ci illərdə Belçika təmsilçinə bekvokal olan Gustaph və 2011-ci ildə baş tutan Uşaq Avroviziyasında qələbə qazanan Candy qrupunun üzvü Iru da Gürcüstan təmsilçisi kimi müsabiqədə bu il iştirak etmişdir.
