Bu gün İtaliyanın Turin şəhərində yerləşən “Madama Palace” zalında Avroviziya 2022 mahnı müsabiqəsinin yarımfinal püşkatma mərasimi və ev sahibi təhvili baş tutub.
Mərasimin aparıcıları Carolina di Domenico və Mario Acamp olub. Ev sahibi təhvili üçün isə Rotterdam şəhər meri Ahmed Aboutaleb ilə Turin şəhər meri Stefano Lo Russo tədbirdə iştirak edib.
Bildiyiniz kimi bu il 41 ölkə müsabiqədə iştirak edəcəkdir ki, bunlardan ev sahibi ölkə daxil olmaqla “Big 5” ölkə (İtaliya, İspaniya, Fransa, Böyük Britaniya, Almaniya) müsabiqə qaydalarına əsasən birbaşa finalda yarışacaqdır.
Digər iştirakçı 36 ölkənin isə bu gün baş tutan püşkatmada hansı yarımfinalda yer alacağına aydınlıq gətirilib.
Püşkatma mərasimində hərəsində 6 ölkə olmaqla 6 torba təyin olunmuşdur və bölgü bu şəkildədir:
Torba 1
• Albaniya
• Xorvatiya
• Monteneqro
• Şimali Makedoniya
• Serbiya
• Sloveniya
Torba 2
• Danimarka
• Avstraliya
• Finlandiya
• İslandiya
• Norveç
• İsveç
Torba 3
• Azərbaycan
• Ermənistan
• Gürcüstan
• İsrail
• Rusiya
• Ukrayna
Torba 4
• Kipr
• Yunanistan
• Malta
• Bolqarıstan
• Portuqaliya
• San Marino
Torba 5
• Estoniya
• Litva
• Latviya
• Moldova
• Polşa
• Rumıniya
Torba 6
• Avstrya
• Belçika
• İsveçrə
• Çexiya
• İrlandiya
• Niderland
Püşkatma nəticələrinə əsasən ilk yarımfinalda yarışacaq ölkələr:
Şounun ilk hissəsində:
- Albaniya, Latviya, İsveçrə, Sloveniya, Bolqarıstan, Moldova, Ukrayna, Litva, Niderland
Şounun ikinci hissəsində:
- Norveç, Rusiya, Portuqaliya, Danimarka, Ermənistan, Avstriya, Xorvatiya, İslandiya, Yunanıstan
İkinci yarımfinalda yarışacaq ölkələr:
Şounun ilk hissəsində:
- Avstraliya, Gürcüstan, Kipr, Serbiya, Finlandiya, Azərbaycan, San Marino, İsrail, Malta
Şounun ikinci hissəsində:
- Monteneqro, Rumıniya, Çexiya, Polşa, Belçika, Şimali Makedoniya, İsveç, Estoniya, İrlandiya
Böyük beşlikdə yer alan ölkələrin səsvermə hüququ aşağıdakı şəkildə olacaq:
Birləşmiş Krallıq – Yarımfinal 2
Fransa – Yarımfinal 1
İtaliya – Yarımfinal 1
İspaniya – Yarımfinal 2
Almaniya – Yarımfinal 2
Nəzərə çatdıraq ki, Azərbaycan bugünədək 2021, 2018, 2017, 2016, 2014, 2013, 2011 və 2008-ci illərdə müsabiqənin ilk yarımfinalında, 2019, 2015, 2010 və 2009-cu illərində isə müsabiqənin ikinci yarımfinalında mübarizə aparıb.
