Avroviziya Azərbaycan Rotterdam 2021

NÜMAYƏNDƏ HEYƏTİNİN RƏHBƏRİ İSA MƏLİKOV ƏLDƏ OLUNAN NƏTİCƏDƏN YAZDI

Azərbaycan nümayəndə heyətinin rəhbəri, bəstəkar, eyni zamanda prodüser İsa Məlikov müsabiqə finalı sonrası bir sıra suallara aydınlıq gətirib. O Avroviziya 2021 və bu ilki komandamız barəsində danışıb. Onun nitqini təqdim edirik.

Sitat:

Birincisi, bu yarışmada Azərbaycana hər cür dəstək olan, səsverən, təşviq edən və dəstəkləyən hər kəsə çox təşəkkür edirəm. Bu bizim üçün çox qiymətlidir.

İkincisi, son bir neçə gündə mənə ünvanlanan eyni suallar toplusunu aldım və qısaca cavab vermək istəyirəm.

Beləliklə, İtaliyanın qələbəsinin ədalətli olduğunu düşünürəmmi? Bəli, tamamilə.

Təmsilçimizin çıxışı məni qane edirmi?
Çox. Samira hər şeyi artıqlaması ilə etdi. Heç vaxt ondan, səhnələşdirilməsindən və Azərbaycanın ifası zamanı səhnədəki bu 3 dəqiqədə baş verən heçbir şeydən utanmıram. Performansımız ən yüksək səviyyədə idi.

20-ci yeri haqsız hesab edirəm?

Əlbəttə bəli.
Və bu yalnız şəxsi hiss və duyğularla əlaqəli deyil.

” “Mata Hari”, Spotify platformasında bir gündə 1.000.000 dəfədən çox dinlənilən və Azərbaycan mahnıları tarixində ilk dəfə 5.000.000-ə çatan və Spotify Global Top 200 dünya siyahısına daxil olan ilk Azərbaycan mahnıdısıdır.

Bundan əlavə, ilk dəfə bir Azərbaycan mahnısı Spotify Viral Top-50 Global chartına girdi və orada 8-ci yeri tutdu.

Qlobal iTunes cədvəlində “Mata Hari” Top 40-a daxil olmuşdu.

Bir daha vurğulayıram ki, bunların hamısı regional əhəmiyyət kəsb edən deyil, bütün dünyada qiymətləndirilən qlobal hadisələrdir.

“Mata Hari” klipi 1 həftə ərzində 3.000.000 baxış topladı və YouTube-da rəsmi Avroviziya kanalında 2 ay sonra demək olar ki, 8.000.000 dəfə baxıldı.
Məlumat üçün: bu günə qədər heç bir Azərbaycan Avroviziya mahnısı bir həftədə 3 milyon, yalnız 2 ayda 8 milyon baxış qazana bilmədi, “Mata Hari” ilkdir.

Yersiz təvazökarlıq olmadan deyə bilərəm ki, Azərbaycan Avroviziya mahnıları tarixində yuxarıdakı bütün rəqəmlər, mənalar və mövqelər tamamilə rekord qırır.

Bütün bu məlumatları nəzərə alaraq 20-ci yeri ədalətli hesab edə bilərəmmi?”

İsa Məlikov həmçinin ən aktual mövzulardan biri olan yerli-xarici mövzusu barədə də danışıb. Məlikovun cavabı yəqin ki, neçə illərdir ki, öz məhsullarımızı istəyən yerli azarkeşləri sevindirəcək.

Sevinirəm ki, bu il ilk dəfə komandamızın əsas hissəsi yerli kadrlardan ibarət idi. Core Team-ə əlavə olaraq qrafika dizaynerləri, geyim dizayneri, vokal məşqçisi, psixoloq və s. kimi mütəxəssislər işə götürülür. Xüsusilə səhnələşdirmənin yerli qrafik dizaynerlər tərəfindən hazırlanan qrafik hissəsini qeyd etmək istərdim.

Vurğulamaq istərdim ki, əsas komandanın hər biri və işə götürülən mütəxəssis sayının 95% -i üçün Avroviziya həyatlarında ilk olmasına baxmayaraq işlərini artıqlaması ilə yerinə yetirdilər.

Bu il ilk dəfə əminliklə deyə bilərəm ki, A-dan Z-yə qədər bu layihənin bütün alqoritmini bilən və bu işi qapalı gözlərlə təkrarlayacaq bir komandamız var.
Nümayəndə heyətinin rəhbəri olaraq, uzun illərdir Avroviziya Mahnı Müsabiqəsində çalışmış xarici mütəxəssislərdən əsas bir qrup yığa bilərəmmi? Bəlkə bəli. Mənim üçün daha asan olardımı? Əlbəttə ki hə. Ancaq indi bu komandaya sahib olmazdıq. Və çox şeyə dəyər”.

Nümayəndə heyətinin rəhbəri İsa Məlikov həmçinin təmsilçimiz Efendi barədə də söz açıb:

Həm də Samiraya fövqəladə fədakarlığı və əzmkarlığı üçün böyük bir təşəkkür edirəm. Həqiqətən hər şeyi çox gözəl etdi. Gündə 2-3 saat yatar, öz çıxışı üstündı çalışar, gecə-gündüz vokal texnikasını təkminləşdirərdi. Bu kiçik və kövrək bir orqanizmdə möhtəşəm iradə, yaradıcılıq dözümü və titanik səbr gizlənmişdi. O, böyük bir insandır!

Gənc, balaca, lakin şərəfli Azərbaycan komandamıza da təşəkkür etmək istəyirəm. Böyük işlər görmüsüz və bu, səyahətin yalnız başlanğıcıdır.

Biz də nəticədən aslı olmayaraq komandamıza uğurlar və daha böyük nailiyyətlər arzu edirik. Ümidvarıq ki, bir neçə ilə artıq yerli Avroviziya bazası və məktəbi tam yetişəcək.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış /  Dəyişdir )

Google foto

Google hesabınızdan istifadə edərək şərh edirsinz. Çıxış /  Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış /  Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış /  Dəyişdir )

%s qoşulma

%d bloqqer bunu bəyənir: