1977 Avroviziya Mahnı Müsabiqəsi — sayca 22-ci Avroviziya Mahnı Müsabiqəsidir. Brotherhood of Man qrupunun ifa etdiyi “Save Your Kisses for Me” mahnısı ilə 1976 Avroviziya Mahnı Müsabiqəsində qələbə qazanmasının ardınca 1977-ci ildə Böyük Britaniya müsabiqəyə altıncı dəfə ev sahibliyi etmək hüququ qazanmışdı. Müsabiqə ölkənin paytaxtı London şəhərində Wembley Conference Center arenasında keçirilmişdir. Müsabiqə 1977-ci ilin 7 may tarixində baş tutmuşdur.
1977-ci ildə bir illik fasilədən sonra İsveç müsabiqəyə geri dönmüşdür. Yuqoslaviya isə maliyyə problemlərini səbəb göstərərək, müsabiqədən iştirakdan imtina etmişdir. Tarixdə ilk dəfə Afrika ölkəsi Tunisin müsabiqədə iştirak edəcəyi gözlənilsə də ölkə son anda müsabiqədən imtina edib.
1977 Avroviziya Mahnı Müsabiqəsi Londonun Uembli Konfrans Mərkəzində reallaşdı. Hadisə kameramanların və texniklərin tətil etdiyi üçün beş həftə təxirə salınıb. Mahnı müsabiqəsi aprelin 2-də keçirilməli idi, lakin mayın 7-nə qədər baş tutmadı.
Ümumilikdə 18 ölkənin iştirak etdiyi müsabiqədə Fransa təmsilçisi Mari Miriam ifa etdiyi “L’oiseau et l’enfant” adlı mahnı qalib gəlmişdir. Bu Fransanın Avroviziyada 22 ildə beşinci qalibiyyəti idi.
